Lógir

VIÐTØKUR

fyri

Ítróttarfelagið H71

viðtiknar á aðalfundi felagnum

tann 15. september 2015

§ 1.

Navn, heimstaður, endamál

Stk. 1.

Navn felagsins er H71.

Heimstaður felagsins er Hoyvík.

Stk. 2.

Endamáls felagsins er at skapa karmar fyri ítróttarvirksemi.

§ 2.

Limaviðurskifti

Stk. 1. Innliman

Ein og hvør kann vera limur í felagnum verið seg einstaklingur, felag ella felagsskapur. Innliman kann verða noktað, um serstøk viðurskifti tala fyri tí og minst 2/3 av nevndarlimum felagsins greiða atkvøðu fyri at nokta innliman. Í slíkum føri kann viðkomandi, ið hevur fingið noktað limaskap, á næstkomandi aðalfundi í felagnum, krevja støðutakan aðalfundsins til umsókn sína um limaskap.

Limur, ið farin er úr felagnum ella sum er burturvístur, kann bert verða innlimaður aftur, um hann greiðir møguliga limagjaldseftirstøðu.

Stk. 2. Útliman og burturvísing

Aðalfundur felagsins kann – við 2/3 atkvøðum í meiriluta at rokna millum tey, ið greiða atkvøðu á fundinum – burturvísa limi, ið fremur munandi brot á skyldur sínar mótvegis felagnum ella sum virkar beinleiðis til skaða fyri felagið.

Limur, ið – hóast kravdur – ikki rindar limagjald sítt, kann vera strikaður sum limur í felagnum. Hóast limur er burturvístur ella strikaður, hevur hann skyldu til at rinda fult limagjald fyri viðkomandi roknskaparár.

Stk. 3. Limagjald

Limagjald verður av aðalfundi felagsins ásett fyri hvørt roknskaparár.

Stk. 4. Rættindir og skyldir limanna

Limirnir hava skyldu til mótvegis felagnum at halda viðtøkur tess og njóta afturímóti rættindi sum limir í felagnum, herundir rættin til at taka lut í teimum tiltøkum felagið fyriskipar.

§ 3.

Aðalfundur felagsins

Stk. 1.

Aðalfundurin er hægsti mynduleiki felagsins í øllum viðurskiftum.

Stk. 2.

Nevndin boðar til aðalfund á heimstaði felagsins við minst 7 daga og mest 21 daga freist við lýsing í blaði, ella á annan hátt, sum nevndin avger.

Vanligur aðalfundur verður at halda á hvørjum ári í seinasta lagi 4 mánaðir aftaná, at roknskaparárið er lokið.

Stk. 3.

Skráin fyri vanliga aðalfundin skal fevna um:

Val av fundarstjóra.
Frásøgn nevndarinnar um virki felagsins í farna roknskaparári.
Framløga av ársroknskapi við grannskoðaraátekning til góðkenningar og ársfrágreiðing.
Ásetan av limagjaldi fyri komandi ár.
Val av nevndarlimum.
Val av grannskoðara.
Ymiskt.

Stk. 4.

Uppskot frá limunum til viðgerðar á tí vanliga aðalfundinum skulu vera latin inn til felagið í so góðari tíð, at evnið kann takast við á dagsskránni fyri aðalfundin.

Stk. 5.

Á aðalfundinum hevur hvør limur eina atkvøðu. Limir í stuðulsfelagnum “H71 stuðlar” hava atgongd til aðalfundin hjá felagnum, men hava ikki atkvøðurætt.

Stk. 6.

Á aðalfundinum verða øll mál at gera av við vanligum atkvøðumeiriluta, uttan so at hesar viðtøkur áseta serligar reglur um umboðan og majoritet.

§ 4.

Nevnd felagsins

Stk. 1.

Til at stjórna felagnum, velur aðalfundurin eina nevnd uppá millum 3 og 10 limir. Nevndin verður vald fyri eitt ár í senn, og fer frá samlað á tí vanliga aðalfundum. Afturval er loyvt.

Nevndin velur sínámillum formann, kassameistara og skrivara sín.

Stk. 2.

Nevndin hevur fund, so ofta formaðurin heldur tað verða neyðugt, ella um ein av hinum nevndarlimunum ynskir tað.

Stk. 3.

Eingin avgerð kann verða tikin á nevndar fundi, uttan so at minst 3 limir eru á fundi. Á nevndarfundi verða øll mál at gera av við vanligum meiriluta. Stendur á jøvnum ræður atkvøða formansins.

§ 5.

Stk. 1.

Roknskapur felagsins verður grannskoðaður av einum á aðalfundinum valdum grannskoðara, sum virkar til ein aðalfundur hevur valt nýggjan grannskoðara ístaðin.

Stk. 2.

Roknskaparár felagsins er frá 1. juli til 30. juni.

Stk. 3.

Roknskapurin verður gjørdur í samsvar við góðan roknskaparsið og soleiðis at allar kravdar og neyðugar avskrivingar og burturleggingar verða gjørdar.

§ 6.

Stk. 1.

Felagið verður bundið við undirskrift av formanninum, tveimum nevndarlimum saman vella av samlaðu nevndini.

Stk. 2.

Limir felagsins ábyrgjast á ongan hátt persónliga fyri fíggjarligu skyldum felagsins.

§ 7.

Stk. 1.

Viðtøkur felagsins kunnu einans verða broyttar á aðalfundi felagsins og krevst ein atkvøðumeiriluti á minst 2/3 av greiddum atkvøðum.

Stk. 2.

Fyri at taka felagið av krevst aðalfundarsamtykt og skulu í slíkum føri minst 2/3 av øllum limum felagsins greiða atkvøðu fyri at taka felagið av. Fæst slíkur meiriluti ikki, kann nevndin kalla inn aftur til nýggjan aðalfund fyri av nýggjum at taka støðu til málið, hetta innan 1 mánað eftir fyrsta fundin og kann felagið tá verða tikið av um 2/3 greiða atkvøðu fyri, líka mikið hvussu nógvir limir eru møttir til henda seinra fund.

Stk. 3.

Verður felagið avtikið, tilfella eftirverandi ognir felagsins – eftir at allar skyldur mótvegis ognarum eru greiddar – ungdómsarbeiði innan føroyskan ítrótt eftir áseting aðalfundarinnar.

Hoyvík, tann 15. september 2015

Nevnd
Anna Dam	Forkvinna	519082	AnnahDam@iCloud.Com
René Dahl Olesen		235930	ReneDahlOlesen@gMail.Com
Emy Sólvitsdóttir		513769	EmyS@Olivant.Fo
Ann-Mari B. Mouritsen		214452	Ann-Mari@Olivant.Fo
Petur Skeel Dahl		210135	PeturSD@Olivant.Fo
Eyðun Joensen		792640	EyJo@Taks.Fo
Jóhan Lamhauge		521975	Lamhauge@HotMail.Com
Alfred Jacobsen		723700	AlfredJacobsen@gMail.Com
Beinta Fossadal		288913	BeintaFossadal@Hotmail.Com

Ann-Mari B. Mouritsen	Heimasíða	214452	Ann-Mari@Olivant.Fo
Djóni Gaard Joensenn	Samskipari	504488	H71Umsiting@gMail.com

Lógir

Bústaður

Nevnd og ábyrgdarpersónar