Dysturin var ikki vunnin áðrenn dystarbyrjan, og tað var hann heldur ikki eftir dystarenda.

Hálvleiksstøðan var 11-13, og endaliga úrslitið gjørdist 28-30.

Dysturin gekk rættuliga javnt á alla tíðina, tó so at strandingar sýntust at vera tað eina sindrið betri. Hóast StÍF ta einu løtuna bara hevði 3 útileikarar móti okkara 6, so megnaðu teir at halda somikið væl upp á bóltin, at okkara bara fingu tað eina málið í hesari yvirtalsstøðuni.

Ikki at tað er nøkur umbering, men tað skal eisini nevnast, at okkara lið í dag manglaði leikarar sum Boga Gaard Davidsen, Pætur Thomsen, Hans Kára Hansen og Helga Hoydal. Hinvegin kunna vit nevna Andor í Horni Sivertsen, sum aftur í dag hevði ein góðan dyst.

Støðan í FTZ-deildini broyttist sum so ikki. Strandingar hava ikki møguleikar at koma í finaluna, tí teir kunn í mesta lagi vinna 10 stig afturat og harvið koma upp á 23 stig. Men nummar 2 í kappingini, KÍF, hevur í løtuni 25 stig, meðan H71 á fremsta plássi hevur 29 stig.

Og fyri okkara viðkomandi, so er onki finalupláss tryggjað. Vit eru á odda við 4 stigum, gamaní, men vit hava 5 dystir eftir, so her skal kempast víðari.

Koyrið á, tit svørtu, koyri á!

Støðan í FTZ-deildini aftan á dystin í kvøld er hendan:

Úrslit og støður í FTZ-deildini kanst tú síggja her á Úrslitatænastuni.